Өнгөрсөнд орхисон бүхний хэлтэрхий
Өнө мөнхийн дагуул
Өөрөөсөө нууж нэг мартах
Өөртөө илчилж нэг шаналах
Өрөөлийнх биш хэрнээ
Өнөөдөр би аялж чадахгүй аялгуу минь

Сонсгол бүлээцүүлэх чиний эгшигт
Согтуу явсан үе зөндөө олон
Сонгосон замаас хааяа урвуулан
Сороод дууссан тамхи шиг хаясан өдрүүд ч олон
Мартахаараа айлгаж чамайг дэргэдээсээ уямаар
Маргаашаа бодохдоо эргэж харалгүй явуулмаар чи минь